,,ჰილდას“ სერიის მეორე წიგნი, ,,ჰილდა და შუაღამის გოლიათი“, მკითხველს ახალი აღმოჩენებისა და თავგადასავლების შესახებ უამბობს. ეს ნაწილი გარდამტეხია ჰილდასა და დედამისის ცხოვრებაში - მათ უნდა გადაწყვიტონ, მიატოვონ თუ არა ტყისპირა სახლი და გადავიდნენ ქალაქში საცხოვრებლად. ერთ დღეს გოგონა აღმოაჩენს, რომ მისი სახლი მთელი ამ დროის განმავლობაში უხილავი ელფების სამეფოს შუაგულში ყოფილა აშენებული. ელფები მოითხოვენ ჰილდას ოჯახმა ტერიტორია დაუყოვნებლივ დატოვოს, თუმცა გოგონა არ ნებდება და მათთან საერთო ენის გამონახვას ცდილობს, რაშიც პატარა ელფი - ალფური ეხმარება. ამავდროულად, ყოველ ღამით ჰილდას სახლთან ჩნდება საიდუმლოებით მოცული გოლიათი, რომელიც უბრალოდ დგას და შორეულ ჰორიზონტს გასცქერის. ელფებთან მოლაპარაკების პარალელურად, ჰილდა ამ იდუმალი გოლიათის ამბის გამოკვლევასაც იწყებს. ეს წიგნი გარდაუვალ ცვლილებებსა და ადამიანების გარემოსთან თანაარსებობაზე გვიამბობს - თუ რამდენად მნიშვნელოვანია სხვების ხედვებისა და ისტორიების გათვალისწინება.