საიდან მოდის სიყვარული, რა გვიზიდავს და გვაშინებს სიახლოვეში და რატომ ვიმეორებთ ურთიერთობებში ერთსა და იმავე შეცდომებს? 

შტეპანკა ისლოვას ავტობიოგრაფიული გრაფიკული რომანი „გულისნადები“ გულწრფელად მოთხრობილი მოგზაურობაა ბავშვობიდან ზრდასრულობამდე. ავტორი იკვლევს, როგორ მოქმედებს ჩვენს სიყვარულის უნარზე ბავშვობის გამოცდილება, გენდერული შაბლონები, თვითშეფასება, სოციალური გარემო. 

წიგნი იუმორითა და დაუფარავი პირდაპირობით გვიყვება ონლაინგაცნობებზე, შემთხვევით კავშირებზე, ტოქსიკურ ურთიერთობებზე, სიყვარულისა და სიახლოვის სურვილზე, ამავე დროს კი მათთან დაკავშირებულ შიშებსა და შინაგან წინააღმდეგობებზე. სექსუალური ძალადობის გამოცდილება და მისგან დატოვებული კვალი ამ პირად ისტორიას მძიმე და მნიშვნელოვან განზომილებას სძენს. თანდათან ავტობიოგრაფიული აღსარება თვითშემეცნების ამბად იქცევა - მცდელობად, გაერკვეს საკუთარ თავში, გაარღვიოს მანკიერი წრე და ისწავლოს სხვაგვარად ცხოვრება და სიყვარული.