დღეს უკვე საკულტოდ მიჩნეულ ტრილოგიას „ნიკოპოლი“ ენკი ბილალი 12 წლის განმავლობაში ქმნიდა. სიუჟეტი მომავლის დისტოპიურ ევროპასა და აფრიკაში ვითარდება: დისიდენტი ალსიდ ნიკოპოლი, რომელსაც კოსმოსში გაყინვა და 30-წლიანი პატიმრობა მიესაჯა, დედამიწაზე მაშინ ბრუნდება, როცა საფრანგეთში ფაშიზმი მძვინვარებს, პარიზის თავზე კი საწვავის მოთხოვნის მიზნით ეგვიპტური ღმერთებით სავსე მფრინავი პირამიდა ჩნდება. მეამბოხე ღმერთი, ჰორუსი, ნიკოპოლის სხეულს ისაკუთრებს და საკუთარი მიზნებისთვის იწყებს გამოყენებას, რათა სხვა ღმერთებსა და მიწიერ ტირანებს დაუპირისპირდეს. მითოლოგიითა და ფუტურიზმით გაჯერებული ტრილოგია აერთიანებს სამ ამბავს მარტოობაზე, ძალაუფლებასა და წარსულთან გაწყვეტილ კავშირზე. მისი დასკვნითი წიგნი „ცივი ეკვატორი“ პირველი კომიქსი გახდა, რომელსაც წლის საუკეთესო წიგნის ჯილდო მიენიჭა საფრანგეთში 1993 წელს.